Sevilla FC klubunun baş məşqçisi Matías Almeyda istefaya göndərilə bilər.
Sumqayıt.tv-ın məlumatına görə, bu barədə tanınmış insayder Fabrizio Romano xəbər yayıb. Bildirilir ki, klub rəhbərliyi artıq 52 yaşlı argentinalı mütəxəssislə bağlı yekun qərarını verib.
Bu qərarın verilməsi komandanın son vaxtlar uğursuz çıxışı ilə əlaqələndirilir. Almeydanın rəhbərliyi altında komanda sabit nəticələr göstərə bilməyib və ardıcıl xal itkiləri rəhbərliyin narazılığına səbəb olub.
Almeyda 2025-ci ilin yayından etibarən Sevilya klubunu çalışdırır. Onun rəhbərliyi altında komanda keçirdiyi 32 oyunda 10 qələbə qazanıb, 7 heç-heçə edib, 15 dəfə məğlub olub.
Hazırda Sevilya La Liga turnir cədvəlində 29 turdan sonra 31 xalla 15-ci pillədə qərarlaşıb. Komanda son dörd oyunda qələbə qazana bilməyib və son iki görüşdə meydanı məğlubiyyətlə tərk edib.
23-03-2026, 12:10
47
