Azərbaycan milli komandasının "FIFA Series – 2026" beynəlxalq turniri çərçivəsində Sent Lüsiya yığması ilə keçirəcəyi oyun Sumqayıtda baş tutacaq.
Sumqayıt.tv AFFA-ya istinadən verdiyi məlumata görə, görüş Mehdi Hüseynzadə adına Sumqayıt şəhər stadionunda keçiriləcək və matçı Gürcüstandan olan hakimlər briqadası idarə edəcək.
Baş hakim Giorgi Kruaşvili olacaq. Ona yan xətt hakimləri Levan Varamişvili və Giorgi Elikaşvili kömək edəcək.
Dördüncü hakim funksiyasını isə Koba Revazaşvili yerinə yetirəcək.
Qeyd edək ki, qarşılaşma 27 mart saat 19:00-da Sumqayıtda start götürəcək.
26-03-2026, 22:46
52
