“Sumqayıt” Futbol Klubunun iki futbolçusu Azərbaycan milli komandasına dəvət alıb.

Sumqayit.tv  xəbər verir ki, yığma komanda mayın 28-dən 30-dək Bakıda, iyunun 1-dən 10-dək isə Avstriyanın Bad-Valtersdorf şəhərində təlim-məşq toplanışında olacaq.

Milli komanda hazırlıq çərçivəsində iyunun 5-də Malta, 9-da isə San-Marino yığması ilə yoldaşlıq oyunları keçirəcək.

Macarıstanın Sombatxey şəhərində yerləşən “Haladaş” stadionunda baş tutacaq qarşılaşmaların Bakı vaxtı ilə saat 22:00-da başlaması planlaşdırılır.

Qeyd edək ki, “Sumqayıt”ın futbolçuları Səbuhi Abdullazadə və Rüstəm Əhmədzadə də milliyə dəvət olunan oyunçular sırasında yer alıblar.

23-05-2026, 17:36 92