Futbol üzrə 2026-cı il dünya çempionatında qrup mərhələsinin ilk tur oyunları davam edir. Turnirin üçüncü günündə azarkeşləri dörd maraqlı qarşılaşma gözləyir.

Sumqayit.tv xəbər verir ki, günün ilk oyunu B qrupunda keçiriləcək. Qətər və İsveçrə yığmaları Bakı vaxtı ilə saat 23:00-da üz-üzə gələcəklər. Qarşılaşma ABŞ-də yerləşən “San-Fransisko Bay Area” stadionunda baş tutacaq.

İyunun 14-nə keçən gecə isə C qrupunun oyunları keçiriləcək. Dünya futbolunun favoritlərindən hesab olunan Braziliya millisi Mərakeşlə münasibətlərinə aydınlıq gətirəcək. Görüş saat 02:00-da start götürəcək.

Qrupun digər qarşılaşmasında Haiti və Şotlandiya yığmaları üz-üzə gələcək. Bu matçın başlanğıc fiti saat 05:00-da səslənəcək.

D qrupunda diqqət mərkəzində olan qarşılaşmalardan biri isə Avstraliya və Türkiyə milliləri arasında keçiriləcək. Türk futbolsevərlərin maraqla gözlədiyi oyun Bakı vaxtı ilə saat 08:00-da başlayacaq.

DÇ-2026, I tur – 13-14 iyun oyun cədvəli

B qrupu

• 23:00 – Qətər – İsveçrə

C qrupu

• 02:00 – Braziliya – Mərakeş
• 05:00 – Haiti – Şotlandiya

D qrupu

• 08:00 – Avstraliya – Türkiyə

Qeyd edək ki, ABŞ, Kanada və Meksikanın birgə ev sahibliyi etdiyi dünya çempionatına iyulun 19-da yekun vurulacaq.