Şahmat üzrə 16-cı dünya çempionu və FIDE reytinqinin lideri olan Magnus Carlsen Honkonqda keçirilən Dünya Komanda Rapid və Blits Çempionatında ardıcıl dörd oyunda məğlub olub.
Sumqayit.tv xəbər verir ki, norveçli qrossmeyster sürətli şahmat yarışında Arjun Erigaisi, Shant Sargsyan, Javokhir Sindarov və azərbaycanlı Aydın Süleymanlıya uduzub.
Bu nəticə Karlsenin karyerasında nadir hadisə kimi tarixə düşüb. Belə ki, o, sonuncu dəfə 2005-ci ildə ardıcıl dörd oyunda məğlub olmuşdu. Həmin vaxt Karlsenin cəmi 14 yaşı var idi.
Maraqlıdır ki, yalnız sürətli şahmat yarışları nəzərə alındıqda, bu, Maqnus Karlsenin karyerasında ilk dəfə ardıcıl dörd rapid oyununda məğlub olması kimi qeydə alınıb.
Ardıcıl uğursuz nəticələr norveçli qrossmeysterin canlı reytinqinə də təsirsiz ötüşməyib. O, ümumilikdə 28,8 reytinq xalı itirib.
20-06-2026, 14:58
84
