Yeni mövsümün hazırlıqlarını davam etdirən "Sumqayıt" FK ilk yoxlama görüşünü iyulun 19-da doğma meydanda keçirəcək.
Sumqayit.tv xəbər verir ki, "kimyaçılar" Sumqayıtda "Qəbələ" ilə üz-üzə gələcək. Klubun mətbuat katibi Zaur Xudiyev Fanat.az-a açıqlamasında bildirib ki, bu qarşılaşma sonradan razılaşdırılıb və təşəbbüs "Qəbələ" klubundan gəlib.
Məlumata görə, komanda iyulun 24-dək hazırlıqlarını "SOCAR Polymer Arena"da davam etdirəcək. Ardınca iyulun 25-də Qəbələyə yollanacaq "Sumqayıt" avqustun 8-dək davam edəcək təlim-məşq toplanışı çərçivəsində daha dörd yoxlama oyunu keçirəcək.
Filipe Kandidoya həvalə olunan komanda iyulun 26-da "Kəpəz", iyulun 30-da "Şamaxı", avqustun 3-də "İmişli", avqustun 7-də isə Qətərin "Əl-Xaraitiyat" klubu ilə qarşılaşacaq.
Xatırladaq ki, "Sumqayıt" yeni mövsümə portuqaliyalı baş məşqçi Filipe Kandidonun rəhbərliyi altında hazırlaşır.
15-07-2026, 19:33
72
