“Azərbaycan millisi ilə bağlı problem çox az vaxtın olmasıdır. Malta və Latviya ilə oynadıq, hər ikisinə 0:1 hesabı ilə məğlub olduq və yeni sistemi sınadıq”.

Bu sözləri futbol üzrə Azərbaycan millisinin baş məşqçisi Canni De Byazi İtaliya mətbuatına müsahibəsində deyib: “Komandada çatışmazlıqlar var. Nəticədə nə qurduğumuzu dərk etməkdə çətinlik çəkirik. Problemin üzərində işləyirəm. Komanda ilə bağlı digər problem xarakterdir. Həmişə uduzursansa, daha az boyun əyməli, daha çox qürur və qətiyyət nümayiş etdirməlisən. Hələlik buna təsir edə və ruhumu qorxaq komandaya verə bilmirəm”.