"Neftçi”nin yeni baş məşqçisi Laurensio Regekampfin alacağı illik maaş bəlli olub.
Sumqayit.tv Oxu.az-a istinadən xəbər verir ki, Rumıniya mətbuatı 46 yaşlı mütəxəssisin illik 480 min avro, yəni aylıq 40 min avro maaş alacağını yazıb.
Bu, onun son klubu olan “Universitatya”dakı (Krayova) gəlirindən üç dəfə çoxdur. İddia edilir ki, həmin klubda Reqekampf aylıq 15 min avro maaş alıb.
Sayt onu da yazır ki, “Universitatya” Laurensio Regekampf müqaviləni vaxtından əvvəl ləğv etdiyi üçün ona 180 min avro təzminat ödəyəcək. Həmçinin qeyd edilib ki, Laurensio Regekampf bu klubdan istefaya göndərildikdən cəmi 10 gün sonra “Neftçi” ilə müqavilə imzalayıb.