Monitorinq komitəsinin iclasından sonra OPEC+ üzvü olan ölkələrin energetika nazirləri alyansa neft hasilatını hazırkı səviyyədə saxlamağı tövsiyə ediblər.
Sumqayit.tv xəbər verir ki, qurumun mətbuat xidmətindən verilən məlumata görə, nümayəndələr 5 oktyabr 2022-ci ildə razılaşdırılmış istehsal planına sadiq olduqlarını bir daha təsdiqləyiblər.
Bildirilib ki, monitorinq komitəsinin növbəti iclası aprelin 3-də baş tutacaq.
Xatırladaq ki, oktyabrın 5-də alyans ölkələri Əməkdaşlıq Bəyannaməsi çərçivəsində hasilatın hədəf səviyyəsini 2022-ci ilin noyabrından 2023-cü ilin sonuna kimi gündəlik 2 milyon barel azaltmağa razılaşıblar.