İqtisadi Əməkdaşlıq Təşkilatına üzv ölkələrin nəqliyyat nazirlərinin bu yaxınlarda keçirilən iclasında imzalanmış protokol “Özbəkistan-Türkmənistan-İran-Türkiyə” marşrutu ilə Asiya və Avropa arasında beynəlxalq multimodal dəhlizin formalaşdırılmasına həsr olunub.
Bu barədə Özbəkistan Nəqliyyat Nazirliyinin mətbuat xidməti məlumat yayıb.
Xüsusilə, sənəddə Asiya-Sakit okean regionu ölkələrindən Özbəkistan, Türkmənistan, İran, Türkiyə əraziləri vasitəsilə Avropa İttifaqı ölkələrinə yükdaşımaların təşkili, rəqabətli tarif dərəcələrinin tətbiqi, dəmir yolları ilə yüklərin daşınması üçün əlverişli şəraitin yaradılması, eləcə də marşrut üzrə yükdaşımaların təşkili zamanı normativ və texniki standartların unifikasiyası üzrə tədbirlərin birgə işlənib hazırlanması nəzərdə tutulur.
Bununla yanaşı, İƏT ölkələrinin nəqliyyat nazirlərinin iclasında Səmərqənd aeroportuna İƏT ölkələrinin aviasiya qovşağı statusu verilib.//Oxu.az