Sumqayıtda orta aylıq əməkhaqqı 954.6 manat olub.

Sumqayit.tv xəbər verir ki, 2025-ci ilin aprelin 1-nə olan məlumata əsasən, Azərbaycanın rayon və şəhərləri üzrə orta aylıq nominal əməkhaqqı göstəriciləri açıqlanıb. Rəsmi statistikaya görə, Sumqayıt şəhərində orta aylıq əməkhaqqı 954.6 manat təşkil edib.

Bu göstərici ölkə üzrə ümumi orta göstəricidən aşağı olsa da, bir çox rayonları üstələyir. Qeyd edək ki, ölkə üzrə orta aylıq əməkhaqqı 1 083.8 manat olub. Bu, ötən ilin eyni dövrü ilə müqayisədə 10 faiz artım deməkdir.

Ən yüksək və ən aşağı əməkhaqqı haradadır?

Statistikaya əsasən, ən yüksək əməkhaqqı Xankəndi şəhərində – 1 485.6 manat, ən aşağı əməkhaqqı isə Qax rayonunda – 570.3 manat qeydə alınıb.

Rayon və şəhərlərə görə orta aylıq əməkhaqqı (seçilmiş bölgələr):

Şəhər / Rayon Orta əməkhaqqı (manat)

Xankəndi 1 485.6
Bakı 1 357.3
Daşkəsən 1 111.8
Ağdərə 1 054.4
Xocalı 1 017.2
Zəngilan 984.5
Sumqayıt 954.6
Şuşa 942.0
Gədəbəy 899.1
Qax 570.3

Bununla yanaşı, Abşeron rayonunda əməkhaqqı 800.1 manat, Şamaxıda 737.9 manat, Gəncədə isə 756.4 manat təşkil edib.

Sektorlar üzrə göstəricilər

Hesabat dövründə əməkhaqqı neft-qaz sektorunda 4 171.8 manat, qeyri-neft sektorunda isə 1 025.7 manat olub. Dövlət müəssisələrində çalışanların orta əməkhaqqı 1 053.1 manat, özəl müəssisələrdə isə 1 115.6 manat təşkil edib.

9-06-2025, 15:15 455