Sumqayıt Telekommunikasiya Qovşağı da daxil olmaqla, “Aztelekom” işçi sayının optimallaşdırılmasını yalnız zərurət yarandıqca həyata keçirəcək.
Sumqayit.tv xəbər verir ki, “Aztelekom” MMC işçi sayının optimallaşdırılması ilə bağlı tədbirləri yalnız zərurət yarandıqda həyata keçirir.
Şirkətdən bildirilib ki, 2025-ci ilin əvvəlində “Onlayn Azərbaycan” layihəsinin başa çatması və yeni texnologiyaların tətbiqi bəzi avadanlıq və funksiyaların aktuallığını itirməsinə səbəb olub. Bu isə təşkilati strukturun təkmilləşdirilməsini zəruri edib.
Qeyd olunur ki, Sumqayıt Telekommunikasiya Qovşağı da bu optimallaşdırma prosesinə daxildir və işçi sayı optimallaşdırılarkən qanunvericiliyin tələbləri nəzərə alınacaq.
“Aztelekom” MMC vurğulayıb ki, optimallaşdırma prosesinin məqsədi biznesin daha səmərəli idarə olunması, istehsalatın düzgün planlaşdırılması və xərclərin nizamlanmasıdır.
14-11-2025, 18:14
210
