Qaçqın və məcburi köçkün ailələrindən olan şagirdlərə pulsuz məktəbli jaketləri veriləcək.
Sumqayit.tv xəbər verir ki, bu barədə Qaçqınların və Məcburi Köçkünlərin İşləri üzrə Dövlət Komitəsi məlumat yayıb.
Komitənin Təsərrüfat Hesablı Təchizat və İstehsalat İdarəsi “Günteks” şirkəti ilə yeni müqavilə imzalayıb. Müqaviləyə əsasən, 42–48 ölçüdə ümumilikdə 9 000 ədəd önü bağlanan, ciblli məktəbli jaketi hazırlanacaq.
Jaketlərin materialı 70% yun, 30% akril, rəngi isə göydür.
Sumqayıta ayrılan pay
Paylanacaq məktəbli jaketləri Bakıdakı Zəngilan və Şuşa məktəbliləri ilə yanaşı, Sumqayıtda yaşayan Qubadlı məktəblilərinə də təqdim olunacaq.
Bundan başqa, Gəncədə Kəlbəcər məktəbliləri, Goranboyda Xocavənd və Xocalı məktəbliləri, eləcə də Cəbrayıl, Füzuli, Ağdam Rayon İcra Hakimiyyətlərinin nəzdindəki şagirdlər və Gəncə, Qax, Bərdə, Ağcabədi rayon sektorları da bu layihə çərçivəsində təmin ediləcək.
2-12-2025, 21:01
85
