Sumqayıt Sənaye Parkının ərazisində yerləşən “SOCAR Karbamid” zavodunda istehsalat təhlükəsizliyinin gücləndirilməsi və əməliyyat xərclərinin optimallaşdırılması məqsədilə tətbiq edilən rəqəmsal təhlükəsizlik layihəsi uğurla başa çatdırılıb.

Sumqayit.tv xəbər verir ki, bu barədə “SOCAR Downstream Management” MMC-nin baş direktoru Emil Alxaslı “Sənaye Təhlükəsizliyi Zirvəsi 2025”də çıxışı zamanı məlumat verib.

Onun sözlərinə görə, Sumqayıtdakı zavodda rəqəmsal monitorinq, avtomatlaşdırılmış nəzarət və real vaxt rejimində izləmə sistemlərinin tətbiqi təhlükəsizlik səviyyəsini əhəmiyyətli dərəcədə yüksəldib, əməliyyat xərclərini isə azaltmağa imkan verib.

E. Alxaslı bildirib ki, rəqəmsal təhlükəsizlik həlləri sayəsində proseslərlə bağlı risklər daha tez müəyyən edilir, mümkün qəza halları vaxtında aşkar olunur, istehsalat səmərəliliyi artır.

Sumqayıtda əldə olunan uğurlu nəticələrdən sonra SOCAR bu cür rəqəmsal təhlükəsizlik layihələrini şirkətin digər emal müəssisələrində də tətbiq etməyi planlaşdırır.

10-12-2025, 12:28 123