Azərbaycanın Ukraynaya göstərdiyi humanitar yardım yüksək qiymətləndirilir.
Sumqayit.tv xəbər verir ki, bu barədə Ukraynanın Azərbaycandakı səfiri Yuri Qusev jurnalistlərə açıqlamasında bildirib.

Səfir Prezident İlham Əliyevə və Azərbaycan xalqına minnətdarlığını ifadə edərək qeyd edib ki, humanitar yardım paketi xüsusilə qış mövsümündə, Rusiyanın Ukraynanın elektrik enerjisi infrastrukturuna hücumlarından sonra böyük əhəmiyyət daşıyır.

Yuri Qusev eyni zamanda 20 Yanvar faciəsi ilə bağlı Azərbaycan xalqı ilə həmrəy olduqlarını vurğulayıb və Ukraynanın hər zaman Azərbaycanın ərazi bütövlüyünü, suverenliyini və azadlığını dəstəklədiyini bildirib.

Qeyd edək ki, Ukraynaya göndərilən növbəti humanitar yardım yükü – elektrik avadanlıqları bu gün Sumqayıt Texnologiyalar Parkının ərazisindən yola salınıb.

21-01-2026, 09:13 83