Qlobal investorların etibarlı investisiya alətlərinə marağının davam etməsi səbəbindən qızılın dəyəri təxminən 4 faiz yüksəlib.

Sumqayıt.tv xəbər verir ki, bu tendensiya birja göstəriciləri və maliyyə ekspertlərinin təhlillərində də öz təsdiqini tapır.

Bakı vaxtı ilə saat 09:21-ə olan məlumata görə, Nyu-Yorkun COMEX birjasında iyun füçersləri üzrə qızılın bir trua unsiyasının qiyməti əvvəlki bağlanışla müqayisədə 159.2 dollar (3.59%) artaraq 4 593,3 dollar olub.

Eyni zamanda, may ayı üzrə gümüş füçersləri də 5.38 faiz bahalaşaraq 73.315 dollara qədər yüksəlib.

Maliyyə ekspertləri bildirirlər ki, ABŞ dollarının zəifləməsi fonunda investorlar yenidən etibarlı aktivlərə yönəlir. Bu da qızılın ənənəvi qoruyucu investisiya aləti kimi cəlbediciliyini artırır.

Oversea-Chinese Banking Corporation təşkilatının strateji eksperti Kristofer Von qeyd edib ki, dolların dəyərdən düşməsi qızıla tələbatı artıran əsas amillərdən biridir.

Bununla yanaşı, qlobal maliyyə bazarları Yaxın Şərq regionunda baş verən hadisələri də diqqətlə izləməyə davam edir.