Azərbaycan Dövlət Neft Fondunun (ARDNF) aktivləri 2026-cı il iyunun 30-na olan məlumata görə 72,6 milyard ABŞ dolları təşkil edib.
Sumqayit.tv xəbər verir ki, bu barədə fondun yaydığı hesabatda bildirilib.
Məlumata əsasən, ARDNF-nin aktivləri 2026-cı ilin əvvəli ilə müqayisədə 73 milyard 542 milyon ABŞ dollarından 72 milyard 596 milyon ABŞ dollarına enib.
Hesabat dövründə vəsaitlərin idarə olunmasından əldə edilən gəlirlər 3 milyard 577,9 milyon manat, neft-qaz sazişləri üzrə karbohidrogenlərin satışından daxilolmalar isə 4 milyard 953,4 milyon manat təşkil edib.
Bildirilib ki, 2026-cı ilin yanvar–iyun aylarında fondun ümumi gəlirləri 8 milyard 531,3 milyon manat olub. Bu müddətdə dövlət büdcəsinə ARDNF tərəfindən 6 milyard 449,7 milyon manat vəsait köçürülüb.
Qeyd olunub ki, hesabat dövründə ARDNF-yə "Azəri-Çıraq-Günəşli" yatağından 4 milyard 374,9 milyon manat, "Şahdəniz" yatağından isə 437,1 milyon manat həcmində gəlir daxil olub.
23-07-2026, 15:20
111
