Yer təkinin istifadəyə verilməsində azad rəqabət mühitini təmin etmək məqsədilə İqtisadiyyat Nazirliyi yanında Əmlak Məsələləri Dövlət Xidmətinin Hərracların Təşkili üzrə Auksion Mərkəzi və Ekologiya və Təbii Sərvətlər Nazirliyi yanında Dövlət Mineral Xammal Ehtiyatlarından İstifadə Agentliyi tərəfindən faydalı qazıntı yataqlarının istifadəyə verilməsi üzrə hərracların təşkili davam etdirilir.

Sumqayit.tv xəbər verir ki, 24 dekabr 2021-ci il tarixində Qazax rayonu ərazisində yerləşən “Həcərliqaya” və “Daşsalahlı” əhəng daşı, Qaradağ rayonu ərazisində yerləşən “Gülbaxt” və “Şahqaya” əhəng daşı, Abşeron rayonu ərazisində yerləşən “Zəyərdağ” və “Qırməki-II” kvars qumu yataqlarının istifadəyə verilməsi ilə bağlı Hərracların Təşkili Mərkəzində hərrac keçirilib.

Hərracla bağlı İqtisadiyyat, Ekologiya və Təbii Sərvətlər, Fövqəladə Hallar nazirlikləri, Qazax, Qaradağ və Abşeron Rayon İcra Hakimiyyətlərinin əməkdaşlarından ibarət Ekspert Komissiyası yaradılıb.

“Həcərliqaya” əhəng daşı 1, “Daşsalahlı” əhəng daşı 3, “Gülbaxt” əhəng daşı 3, “Şahqaya” əhəng daşı 3, “Zəyərdağ” kvars qumu 1, “Qırməki II” kvars qumu 1 Lot üzrə hərraca çıxarılıb.

Hərracda iştirak edən “Cavadoğlu” firması Qazax rayonu ərazisində yerləşən “Həcərliqaya” əhəng daşı yatağından (LOT-1), “Nigar” MMC Qazax rayonu ərazisində yerləşən “Daşsalahlı” əhəng daşı (LOT-1), fiziki şəxs Həsənov Bəhram Sarif oğlu Qazax rayonu ərazisində yerləşən “Daşsalahlı” əhəng daşı (LOT-2), fiziki şəxs Cürənli Elyar Firudin oğlu Qazax rayonu ərazisində yerləşən “Daşsalahlı” əhəng daşı (LOT-3), “ARAZ-Mİ” MMC Qaradağ rayonu ərazisində yerləşən “Gülbaxt” əhəng daşı (LOT-1, LOT-2 və LOT-3), fiziki şəxs Mahmudov Sarvan Mirzağa oğlu Qaradağ rayonu ərazisində yerləşən “Şahqaya” əhəng daşı (LOT-1 (I Blok), LOT-2 (II Blok), LOT-1 (III Blok)), fiziki şəxs Şamilov Nicat Oktay oğlu Qaradağ rayonu ərazisində yerləşən “Şahqaya” əhəng daşı (LOT-2 və LOT-3), ”AAC” MMC Abşeron rayonu ərazisində yerləşən “Zəyərdağ” kvars qumu (LOT-1), fiziki şəxs Həsənov Məhərrəm Hüseynqulu oğlu Abşeron rayonu ərazisində yerləşən “Qırməki-II” kvars qumu (LOT-1) yataqlarından istifadə hüququ qazanıb.