Bugün şəhidimiz Ruslan İmanquliyevin anım mərasimi keçirilib. Mərasimdə şəhid anaları və qazilər iştirak edib. 1996-cı il 14 martda Sumqayıt şəhərində anadan olan Ruslanı çox kiçik yaşda olarkən atası tərk edib, gedib. Təəssüf hissi ilə qeyd etmək istəyirik ki, 2021-ci il sentyabr ayının 22-si şəhidimizdən geriyə qalan, onu tək başına heç bir dəstək olmadan böyüdən Ramiyyə ananı itirmişik. Və bugün şəhidimizin məzarını onu öz övladlarından ayırmayan digər analarımız ziyarət edib. Sumqayit.tv xəbər verir ki tədbir şəhidin yaşadığı binanın önündəki mərasim evində davam edib. 
Qeyd edək ki, 2020-ci 27 sentyabrda başlamış İkinci Qarabağ müharibəsində, müharibə başladığı ilk gündən ön cəbhədə olub. Torpaqlarımızın bütövlüyü uğrunda gedən döyüşlərdə hərbi anda sadiq qalaraq, mətinlik və mərdlik nümayiş etdirib. Ruslan İmanquliyev 02.10.2020-ci ildə  son döyüşünə qatılıb. Elə Füzuli istiqamətində gedən bu döyüşdə qəhrəmancasına şəhidlik zirvəsinə ucalıb. Allah sənə rəhmət eləsin, İgid!