Məlum olduğu kimi, Rusiya Daxili İşlər Nazirliyinin Azərbaycanın sabiq səfiri İsfəndiyar Vahabzadənin Rusiya ərazisinə girişinə 50 il müddətinə qadağa qoyub.
Sumqayıt.tv bildirir ki, məsələ ilə bağlı Sfera.az-a açıqlama verən politoloq Cümşüd Nuriyev Azərbaycan xalqı və dövlətini dəfələrlə təhqir etmiş Rusiya Dövlər Dumasının üzvü Vladimir Jirinovskinin persona non-qrata elan edilməsini təklif edərək, ona cinayət işinin açılmasını təklif edib:
"Jirinovski ölkəmizdə persona non-qrata elan edilməlidir. Azərbaycan heç zaman onu qəbul etməsin. Jirinovski Azərbaycan dövləti, xalqı və Prezidentini təhqir etdiyindın nəinki ölkəmizə gəlişinə qadağa qoyulmalı, hətta ona cinayət işi qaldırılmalıdır. Necə olur ki, bir Azərbaycan vətəndaşı ruslarla bağlı fikri söyləyən kimi bütün Rusiya çalxalanır, əl-ayağa düşür. Biz niyə danışmırıq?”
Həmsöhbətimizin fikrincə, şimal ölkəsinin Vahabzadə barədə verdiyi qərar əslində Rusiyanı aşağılayan bir yanaşmadır: "Rusiya DİN-nin belə bir qadağa qoyması bu dövlətə şərəf gətirmir. Əksinə, Rusiyanın bir dövlət kimi mövqeyini zəiflədir. Gör, dünyanın ikinci hegemon dövləti nə günə qalıb ki, Azərbaycanın bir keçmiş səfirinin şəxsi fikirinə görə onun Rusiyaya girişinə 50 il qadağa qoyur. Gülməli, biabırçı  qərardır”.

Xatırladaq ki, İsfəndiyar Vahabzadə müsahibəsində rus xalqı barədə qeyri etik ifadələr işlədib.