Sumqayıt sakinlərinin iştirakı ilə ağır yol qəzası baş verib

Hadisə ötən gün köhnə Ələt-Astara avtomobil yolunun Biləsuvar rayonunun Xırmandalı kəndindən keçən hissəsində qeydə alınıb. Bakı istiqamətində hərəkət edən və içərisində magistral qaz kəmərinin çəkilişində iştirak edən işçilərin olduğu “BMW” markalı minik avtomobili və “Mercedes” markalı mikroavtobus toqquşub.

Qəza nəticəsində “BMW”-nin sürücüsü, 54 yaşlı Sumqayıt sakini Şahin Fətullayev və sərnişini, 61 yaşlı Bakı sakini Bəymirzə Mərdanov hadisə yerində ölüblər. Hadisəyə səbəb kimi minik avtomobilinin qəfil dönməsi bildirilir.

Yaralıların siyahısı:
36 yaşlı Qədirov Elşən – Sumqayıt şəhəri;

39 yaşlı Əlişanov Rüstəm – Sumqayıt şəhəri;

34 yaşlı Həsənov Emin – Sumqayıt şəhəri;

43 yaşlı Pirimov Razi – Sumqayıt şəhəri;

33 yaşlı Bayramov Natiq – Sumqayıt şəhəri;

35 yaşlı Hüseynov Nicat – Sumqayıt şəhəri;

24 yaşlı Abdullayev Süleyman – Hacıqabul rayonu;

24 yaşlı Niftiyev Elmir – Biləsuvar rayonu;

28 yaşlı İskəndərov – Biləsuvar rayonu;

30 yaşlı İmanov Vaqif – Biləsuvar rayonu;

30 yaşlı Hacıyev Taryel – Qəbələ rayonu;

27 yaşlı Əlizadə Elməddin – Sabirabad rayonu.