Sumqayit.tv-nin redaksiyasına növbəti vətəndaş şikayəti daxil olub.

Belə ki, Sumqayıt şəhəri, "dejurnu dairəsi", 9-cu məhəllə, "Puşkin binası" adlanan binanın sakini Nərgiz Teymurova bildirir ki, "Binamızın önündə əvvəllər Poçt kimi istifadə olunan obyekt var idi. Bir müddət oranı "Kapital Bank" filialı kimi də istifadə etdilər. İndi isə bu obyekt təmirə dayanıb. Bizim şikayətimiz obyektin yanında yerləşən üzüm ağaclarına qarşı göstərilən laqeydlikdir. Tədricən bu ağacları sıradan çıxarmaq üçün onu zədələyirlər. Sabah dibinə kimyəvi maddə töküb yandırsalar, bu ağaclar sıradan çıxacaq. Ulu öndər Heydər Əliyev gözəl kəlam söyləyib: "Ağacı kəsən mənim qolumu kəsir". Biz ağac əkmək əvəzinə olan-qalan agacları da sıradan çıxarırıq. Həmin ağaclar Sumqayıt şəhəri salınanda əkilib. Şəhərimizlə yaşıd olan və bar verən ağacları niyə kəsmək istəyirlər? Əlaqədar qurumlardan xahiş edirik, bu problem haqda tədbir görsünlər".