Birləşmiş Millətlər Təşkilatının Baş Assambleyasının Üçüncü Komitəsinə üzv ölkələr İranda insan haqlarının vəziyyəti ilə bağlı Kanada dövlətinin təklif etdiyi qətnamə layihəsinə səs veriblər.


Sumqayit.tv "Mehr” Agentliyinə istinadən xəbər verir ki, builki qətnamə layihəsi son həftələrdə İranda keçirilən etiraz aksiyalarının iştirakçılarına qarşı zorakılıqları pisləyib.

İranda insan haqlarının vəziyyətilə ilə bağlı qətnamə layihəsi lehinə 79, əleyhinə 30 səs, 71 nəfər bitərəf olmaqla təsdiq edilib.

İran İslam Respublikasının BMT-dəki daimi nümayəndəsinin müavini Zəhra Ərşədi layihəni "İranofobiya”ya qəsdən təhrik edən sənəd,  "səmimi olmayan siyasi addım” adlandırıb.

O, Kanada, ABŞ və İsraili bu layihənin təşkilatçıları kimi başqalarına insan hüquqları mövzusunda mühazirə oxumaq üçün bir araya gəlməkdə ittiham edib.


Ərşadi bildirib ki, İslam Respublikası qərəzli rəftar əsasında hazırlanmış İran əleyhinə qətnamə layihəsini qəti şəkildə rədd edir və pisləyir.