Bu il Sumqayıtın müxtəlif küçələrinə yeni daş plitələr döşəndi. Təəssüf ki Sumqayıt şəhər İcra Hakimiyyətinin gördüyü bu işləri sıradan çıxaran məsuliyyətsiz avtomobil sahibləri də var.
Sumqayit.tv xəbər verir ki şəhərin Səməd Vurğun küçəsində səkiyə döşənən daş plitələrin üstünə avtomobil çıxartmaqla onu sıradan çıxarıblar. Ələlxüsus təmirdən sonra hərə əlinə bir daş alıb maşının səkiyə çıxması üçün tramplin düzəldir. Şəkildən göründüyü kimi, sağ tərəfdən avtomobili səkinin üstünə çıxartmaqla daş plitələri yararsız vəziyyətə gətiriblər. Bəziləri yola dağılıb. Yaxşı olar ki Dövlət Yol Polisi bu cür məsuliyyətsiz vətəndaşlara böyük məbləğli cərimələr yazsın. Çünki  maşınların yolu  olduğu kimi, piyadaların da öz yolu var. O yolda piyadalar hərəkət etməlidir, maşınlar yox. Sonra da deyirlər insanlar yolu düzgün keçmir, yolun ortasıyla gedirlər. Səbəb odur ki səkilər zəbt olunur. İstər avtomobillər tərəfindən, istər obyektlər tərəfindən.