İrəvan və Tehranın qardaşlaşmış (əslində isə orijinal mətndə "bacılaşmış" - red.) şəhər olması ilə bağlı bəyanat vermişəm. Orada hər şeyi ətraflı qeyd etmişəm. Əlbəttə, bu halı mənfi hesab edirəm.
Sumqayit.tv xəbər verir ki, bu sözləri jurnalistlərə açıqlamasında bütün Qafqazın şeyxi Allahşükür Paşazadə deyib.
Şeyx İrandan bu cür hərəkətləri gözləmədiyini bildirib:
"Mən öz qardaşlarımdan bunu gözləmirdim. Biz onlara qardaş deyirdik. Biz İranı belə tanıyırdıq. Gördük ki, bu qardaşın başqa qardaşı da var imiş. Biz ögey qardaş imişik. Onlar səhvlərini başa düşərlər ki, tarixdə böyük səhv edirlər. Ümumiyyətlə, bu, islam tarixində də böyük səhvdir ki, bunu da ümid edirəm, başa düşərlər. Mən hələ ümid edirəm ki, səhvlərini başa düşüb qayıdacaqlar. Yenə də qonşu dövlətdir. Şeyx kimi istərdim ki, bütün dövlətlərlə münasibətlərimiz yaxşı olsun. Eyni zamanda da İranla. Amma İran bu addımları atmamalıdır. Bizə "qardaş" deyəndə yalandan deməməlidir".