Son günlər redaksiyamıza ən müxtəlif sahələr üzrə şikayətlər daxil olmaqdadır. Növbəti şikayət isə dövlət qurumundan deyil, özəl sektordandı. Özü də bank sahəsindən.
Belə ki, Sumqayit.tv-in  Instagram səhifəsinə müraciət edən Sumqayıt sakini, bu dəfə şəhərin 9-cu mk/r-da fəaliyyət göstərən "AccsessBank"-dan şikayətçidir. Şəhər sakininin bildirdiyinə görə artıq neçənci dəfədir ki, sözügedən bankda əməliyyat aparmaq istəsə də arzusu ürəyində qalır. Hər dəfə də monitorda  "terminal müvəqqəti olaraq işləmir" yazısına rast gəlir.
Sumqayit.tv olaraq terminalın neçə vaxtdır hansı səbəbdən işləmədiyini deyə bilmərik. Lakin məlum olan odur ki, sözügedən bank belə hallara yol verməklə öz imicini zədələyir. İnsanlar rahat şəkildə ödəmə və köçürmə  əməliyyatları edə bilmədikdə isə şubhəsiz ki, alternativ bankların seçim imkanlarından yararlanmağa çalışacaq. 
Güman edirik "AccsessBank"-ın Sumqayıt filialının rəhbərliyi gedişatın onların zərərinə işlədiyini nəzərə alıb, yaranmış problemi aradan qaldıracaq və müştəri  məmnuniyyətini təmin edəcək. 

Müəllif: Sumqayit.tv