Bu gün (red-dünən) Azərbaycan Silahlı Qüvvələrinin əsgəri, Vətən müharibəsinin şəhidi İsmayılzadə Tacəddin Vüqar oğlunun anım günüdür. 
Sumqayit.tv xəbər verir ki, tədbir şəhərin mədəniyyət sarayların birində baş tutub. Tədbirdə vətənpərvər mahnılar ifa edilib, şeirlər səsləndirilib, şəhidimizə aid videoçarxlar görsədilib. Məclisdə qohumlar, mədəniyət işçiləri və şəhid ailələri iştirak ediblər.

Qeyd edək ki, Azərbaycan Ordusunun əsgəri olan Tacəddin İsmayılzadə 27.09.2020-ci il tarixində Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində savaşıb. Tacəddin İsmayılzadə oktyabrın 9-da ağır yaralanıb və tibb müəssisəsinə yerləşdirilib. Tacəddin İsmayılzadə 12.02.2021-ci il tarixində müalicə aldığı tibb müəssisəsində Koma vəziyyətinin 128-ci günündə şəhidlik məqamına ucalıb.
 Azərbaycan Prezidenti İlham Əliyevin Sərəncamına əsasən şəhidimiz "Vətən uğrunda", "Xocavəndin azad olunmasına görə" və "Cəsur döyüşcü" medalları ilə təltif edilib. 
Ruhun şad olsun, nur üzlü Şəhidim! 

Vəsiqə DADAŞOVA