39 saylı məktəbin şəhidi Nəbiyev Nicatın  sinif otağının açılışı ilə əlaqədar və 8 mart münasibəti ilə şəhid analarını təbrik etdilər.
Sumqayit.tv-in məlumatına görə bu gün Sumqayıt şəhər 39 saylı məktəbdə şəhidlərimizə həsr edilən tədbir keçirilib. 
Tədbir Azərbaycan himni və şəhidlərimizin ruhlarına bir dəqiqəlik sükutla yad edilməklə başlayıb. Şagirdlər qarşısında çıxış edən məktəb direktoru Bəxşeyiş Ələmşahov onlara hər zaman vətənpərvər olmalarını və heç bir zaman şəhidlərimizi unutmamaqlarını xüsusi vurğulayıb. Mərasimdə vətən müharibəsi zaman qəhrəmancasına şəhidlik məqamına ucalan Rüfət Mustafayev, Abdulla Əhmədov, Nəbiyev Nicat və Saleh Nuriyev haqqında iştirakçılara geniş məlumat verilib. Onların şiddətli, eyni zamanda qürurlu döyüş yolları barəsində danışılıb.  Tədbirdə şəhid ailələri və qazilərimiz Alxasov Camal, Hesenli Sahil, Qasimov Ramiz, Revan Yusifov və Tebriz Esgerov iştirak ediblər. 
Sonunda şəhid anaları belə bir tədbiri təşkil etdikləri üçün təşkilatçılara öz təşəkkürlərin bildirərək,  şagirdlərə həyatlarında və təhsillərində uğurlar diləyiblər. 
Şəhidlərimizin ruhu şad olsun! Qazilərimizə Allahdan şəfa diləyirik! 
Şəhidlərimizi, qazilərimizi tanıyaq ki, tanıtdıraq!

Vəsiqə Dadaşova