Bu gün Sumqayıtda evin yeganə oğul payı olan, şəhid İsmayılov Elvin Arif oğlunun mövlud qeyd olunub.
Sumqayit.tv xəbər verir ki, tədbir Sumqayıt Şəhidlər Xiyabanında şəhidlərin məzarlarını ziyarətlə başlayıb və şəhərimizdə yerləşən Nəriman Nərimanov adına Mədəniyyət Mərkəzində davam edib. Tədbirə mərasim iştirakçılarının şəhidlərimizin ruhlarının bir dəqiqəlik sükutla başlayıb. Mərasimində şəhid ailələri, şəhidin döyüş yoldaşları, dostları, qazilərimiz, icra hakimiyəti nümayəndələri, müəllimləri 24 və 20 saylı tam orta məktəbin kollektivi, media işçiləri və qohumları iştirak ediblər. 
Xatırladaq ki,  Elvin İsmayılov 28.03.2002 il tarixində Sumqayıt şəhərində anadan olub. 2008-2019-cu illərdə Sumqayıt şəhər 24 nömrəli tam orta məktəbdə təhsil alıb. Təhsilini bitirdikdən sonra bir müddət müxtəlif sahələrdə çalışıb və sonra hərbi xidmətə yollanıb. Elvin İsmayılov 8 may 2020-ci ildə Səfərbərlik və Hərbi Xidmətə Çağırış üzrə Dövlət Xidmətinin Sumqayıt şəhər üzrə Hərbi Komissarlığı tərəfindən müddətli həqiqi hərbi xidmətə çağırılıb. Beyləqan rayonunda yerləşən "N" saylı hərbi hissədə xidmət edirdi.

Azərbaycan Ordusunun əsgəri olan Elvin İsmayılov 27.09.2020ci ildə Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak edib. Cəbrayılın və Füzulinin azadlığı uğrunda gedən döyüşlərdə vuruşub. Elvin İsmayılov 2 oktyabr 2020-ci ildə Füzuli rayonu istiqamətində döyüş tapşırığının yerinə yetirilməsi zamanı qəhrəmancasına şəhid olub. 
Cənnətdə ki dəyişilməyən mövludun mübarək olsun, İgidim!
Vəsiqə Dadaşova