Bu gün Sumqayıtda Azərbaycan Respublikasının "Qeyri-Hökumət Teşkilatlarına Dövlət Dəstəyi Agentliyi" (QHTDDA) və "Departasiya Qurbanları İctimai Birliyi"nin (DQİB) təşəbbüsü ilə  "Qərbi Azərbaycan -Tarixi həqiqətlər, ermənilərin etnik təmizləmə siyasətinin ifşası və beynəlxalq aləmdə təzahürü" mövzusunda maarifləndirici tədbir keçirilib. 
Sumqayit.tv xəbər verir ki, tədbirdə Milli Qeyri-Hökümət Agentliyinin prezidenti Rauf Zeyni, DQİB sədri, layihənin rəhbəri Köçər Nağıyev, "Qərbi Azərbaycan İcması Sumqayıt şəhər Nümayəndəliyi"nin (QAİSN)  sədri, Ramiz İsmayılov, tarixçi alim, professor Firudin Ağasıoğlu, şair Əvəz Mahmud Lələdağ və QAİSN-ın üzvü Cəmilə Fəyyaz və digər qonaqlar çıxış ediblər. Çıxışçılar erməni vandallığından, onların Azərbaycan türklərinə qarsı yürütdüyü etnik təmizləmə siyasətinin tarixi köklərindən danışıblar. 
Qeyd edək ki, tədbirdə Qərbi Azərbaycandan olan müəllimlər, tarixçilər, politoloqlar, jurnalistlər ağsaqqlallar, gənclər və digər kateqoriyaya aid şəxslər iştirak ediblər.