Bu fikri Busaat.az-a özəl olaraq açıqlamasında siyasi ekspert Elçin Abdullayev bildirib.
E. Abdullayev qeyd edib ki, ermənilər artıq onların ətrafında halqanın daraldığını hiss edirlər. Artıq neçə vaxtdır ki, ermənilər beynəlxalq qurumlara və bəzi güc mərkəzi sayılacaq dövlətlərə rəsmi Bakıdan şikayət edirdilər. Sonuncu belə şikayət BMT səviyyəsinə qaldırılmışdı. Onlar istəyirdilər ki, BMT Təhlükəsizlik Şurası Azərbaycana qarşı hansısa sanksiyalar tətbiq etsin. Ən azı Bakı əleyhinə bəyanat qəbul olunsun. Lakin, Təhlükəsizlik Şurasında “Laçın dəhlizi “ məsələsi müzakirəyə çıxarılsa da, ermənilərin arzuları suya düşdü. Ona görə də Ermənistan özünün diplomatik uğursuzluğunu sığortalamaq üçün sərhəd bölgəsində hərbi təxribatlara əl atmaqla məşğuldur. Əslində isə belə təxribatlar beynəlxalq ictimaiyyəti çaşdırmaqla yanaşı, həm də regionda uzunmüddətli sülhün qarşısını almağa xidmət edir. İrəvanın bu cür davranışları isə şübhəsiz ki, ilk növbədə özlərinin əleyhinə işləyir.
“Ermənistan yeni dünya düzəninin formalaşdığı bir vaxtda Azərbaycan və Türkiyənin oynadığı rolun təsir gücünü nəzərə almalıdir. Əks təqdirdə, öz gələcəyini sual altına almış olacaq. Ona görə də, yaxsı olardı ki, qarşı tərəf bu amilləri nəzərə alıb, öz əleyhinə işləyən təxribat dolu addımlardan əl çəksin”, – ekspert vurğulayıb.