Qərbi Azərbaycan İcması Sumqayıt şəhər nümayəndəsi və üzvləri Hacı Zeynəlabdin qəsəbəsində deportasiya edilmiş qərbi azərbaycanlılarla görüş keçirib.
Sumqayit.tv xəbər verir ki, qəsəbənin 19 saylı tam orta məktəbində təşkil olunan tədbiri Sumqayıt Şəhər İcra Hakimiyyəti başçısının sözügedən inzibati ərazi dairəsi üzrə nümayəndəsi Lalə xanım Hacıyeva açaraq iştirakçılara uğurlar arzulayıb. 
İcmanın Sumqayıt şəhəri üzrə nümayəndəsi Ramiz İsmayılov Qərbi Azərbaycan İcmasının İdarə Heyətinin sədri Əziz Ələkbərlinin salamlarını toplantı iştirakçılarının diqqətinə çatdıraraq, tədbirə qatılan digər icma üzvlərini görüş iştirakçılarına təqdim edib. R.İsmayılov qarşıda duran məsələlərlə bağlı geniş məlumat verərək, ilk növbədə siyahıyaalmanın təkrar dəqiqləşdirilməsini və icma üzvlərinin bir-biri ilə koordinasiya yaratmasını görüşə qatılanlara tövsiyə edib. 
Növbəti çıxışçılar: təhsil işçisi Niyaz Süleymanlı, Hacı Zeynalabdin qəsəbə Ağsaqqallar Şurasının sədri Arif Qafarov, Sumqayıt şəhər Təbiət Elimlər Təmayüllü Gimnaziyanın direktoru Nizami Əhmədov, icma uzvü Cəmilə Fəyyaz və politoloq Elçin Abdullayev öz nitqlərində hər kəsi dövlət başçısı İlham Əliyevin xeyir-duası ilə başladılan bu işə dəstək verməyə və qərbi azərbaycanlıların haqq səsinin tezliklə dünyaya çatdırılması istiqamətində fəallıq göstərməyə çağırıblar. 
Görüşün sonunda bu işlərin təşkili və nəzarəti qəsəbə sakini, Qərbi Azərbaycan kökənli İlyas Hüseynova həvalə edilib.
Qeyd edək ki, tədbirdə Sumqayıtın əmək veteranı, sahibkar Xankərəm Vəliyev, istefada olan polis polkovniki, Bakı Arxiv idarəsinin rəisi Ağakişi Allahverdiyev və tanınmış cərrah, "Qəlb" Klinikasının baş həkimi Bəhram Paşayev də iştirak edib.