Sumqayıtda 90 yaşlı qadını avtomobil vuraraq öldürüb.
APA xəbər verir ki, Bəhmən Xudayar oğlu Məmmədov “Dacia Logan” markalı avtomobilini Sumqayıt şəhəri, N.Nərimanov küçəsi 119 ünvanında arxa-arxaya idarə edən zaman, yolu soldan sağa keçmək istəyən piyada, 1933-cü il təvəllüdlü Pərnisə Əmirqulu qızı Qasımovanı vurub. Nəticədə, piyada aldığı xəsarətlərdən Sumqayıt Şəhər Təcili Tibbi Yardım Xəstəxanasında ölüb.
Faktla əlaqədar Sumqayıt Şəhər Polis İdarəsinin İstintaq Şöbəsində Cinayət Məcəlləsinin 263.2-ci maddəsi ilə cinayət işi başlanaraq istintaqı aparılır.