Xəbər verdiyimiz kimi, iki gün öncə Sumqayıtda 36 yaşlı kişi normadan artıq miqdarda narkotik vasitəsi qəbul etdiyi üçün dünyasını dəyişib. 

Sumqayit.tv dünyasını dəyişən Ruslan Əzizağa oğlu Verdiyev barəsində ilginc məlumat əldə edib. Belə ki, narkotik səbəbindən iki gün əvvəl işıqlı dünya ilə vidalaşan mərhum R. Verdiyev,  zamanında güclü Karateçilərimizdən olub. 23 saylı orta məktəbin şagirdi olan Ruslan, ürəkli, güclü və bacarıqlı olmasına görə yaşıdları arasında sayılıb-seçilən gənc kimi tanınıb.  Sonradan o narkotikə qurşanmaqla idmandan uzaqlaşır və pis vərdişin aludəçisinə çevrilir . Beləliklə, keçmiş idmançı sonunun başlanğıcına imza atır. "Ağ ölum"lə taşılığı onu təmiz həyatdan ayıraraq, oğurluq və quldurluq etməyə sövq edir. İlk dəfə Ruslanın üzünə həbsxana qapıları 2017-ci ilədə dostları ilə birgə xalq artisti Nazpəri Dostəliyevanın evini qarət edərkən açılır. Türmədən çıxdıqdan sonra normal həyata adaptasiya ola bilməyən Ruslan Verdiyev,  yenidən bir neçə dəfə kiçik cinayətlər etdiyinə görə zindan həyatı yaşamalı olur. Lakin, heç bir halda narkotikdən uzaqlaşa bilmir və nəhayət iki gün əvvəl dünyasını dəyişir. 

Mənbə bildirir ki, Ruslan Verdiyev eyni zamanda Sumqayıtda tanınmış ailənin övladı olub. Belə ki, onun atası Əzizağa Verdiyev də veteran idmançıdır. Əzizağa müəllim ilk dəfə Sumqayıtda Karatenin əsasını qoyanlardan sayılır. O, Sovetlər dövründə Karatenin qadağan olunmasina baxmayaraq, 80-ci illərdə öz həytını risqə ataraq zirzəmilərdə gizlin şəkildə  bu döyüş növünün sirlərini şəhər gənclərinə öyrədib. Ki,  gələcək nəsil sağlam ruhda boyüsün. Bu səbəbdən Əzizağa Verdiyev Sumqayıtda karatenin banisi sayılır.

P.s. Ruslan Verdiyevin qısa həyat hekayəsinə nəzər salarkən,  məlum olur ki, kimliyindən asılı olmayaraq narkotikə qurşanan hər kəs, öz qəbrini, özün qazmış olur. Odur ki, övladlarımızı narkotik adlı bəladan qorumağa çalışaq.