Baydenin "Qəzzadakı xəstəxananı İsrail vurmayıb" açıqlaması dünyada gündəm oldu.
 
"ABŞ-ın prezidentinin Qəzzadakı xəstəxananın vurulması ilə bağlı istintaqın nəticələri və BMT-nin yekun fikri olmadan bu cür münasibət bildirməsi ABŞ-ın tərəfini müəyyən edir. Dünyaya İsrailin müdafiəsində dayandığını bəyan edir"
 
Bu sözləri politoloq Elçin Abdullayev"İnformator.az" saytına mövzunu şərh edərkən bildirib. 
Politoloqun fikrincə, heç bir yekun nəticə olmadan ABŞ-ın bu münasibəti dünyada böyük güclərin zəiflər üzərində hegemonluğunun olduğunu göstərir, həmçinin haqqın və ədalətin mövcudluğu ilə bağlı fikir söyləmək doğru deyil.
 
“Nəzərə alsaq ki, ABŞ dünyanın super dövləti olaraq, bu və ya digər formada dünyada baş verən hadisələrə məsul dövlətdir, çünki super dövlətlər, adətən, dünyanın təhlükəsizliyini öz üzərinə götürür. Bunları nəzərə alaraq, ABŞ prezidentinin bu cür açıqlama verməsi xəbər verir ki, dünya artıq təhlükəsizlik zolağından çıxmış hesab edilə bilər”.
 
Politoloq düşünür ki, bu gün ABŞ öz qüdrətindən, iqtisadi, hərbi, maliyyə gücündən istifadə edərək, Qəzzada baş verən hadisələri bir istiqamətə yönləndirməyə çalışır.
 
“Təssüflər olsun ki, ABŞ prezidentinin bu cür yanaşması Qəzzada baş verən olaylar fonunda sabah nikbin baxmağa ümid işığını yandırımır”.
 
Asiman Hafizqızı