Sumqayıt şəhərində Qərbi Azərbaycan İcmasının Çəmbərək (Krasnoselski) rayonu Çaykənd kənd İcmasının təsis iclası keçirilib.
Sumqayıt.tv-nin verdiyi məlumata görə, tədbir Sumqayıt şəhərində yerləşən 16 saylı tam orta məktəbin akt zalında baş tutub. Toplantı vətənimizin suverenliyi üçün canından keçən şəhidlərimizin əziz xatirələrinin bir dəqiqəlik sükutla yad edilməsi və Azərbaycan himninin səsləndirilməsi ilə başlayıb.
Niyaz Süleymanov Yığıncağı giriş nitqi ilə ziyalı, müəllim Niyaz Süleymanov açıq elan edərək, Bakıdan və Sumqayıtdan tədbirə qatılan bütün həmkəndlilərinə ayrı-ayrılıqda minnətdarlığını bildirib və gələn qonaqların hamısını salamlayıb. O, icmanın son 11 ayda gördüyü böyük işlərin önəmindən danışaraq qeyd edib ki, “
Azərbaycan Respublikasının Prezidenti cənab İlham Əliyevin ötən il dekabrın 24-də, həm də öz doğum günündə İcmamızın Mərkəzi nümayəndələri ilə görüşməsi Qərbi Azərbaycan İcmasının fəaliyyətində ciddi sıçrayış səbəb oldu. Dövlət başçımızın dəstəyi və təkan ilə başladılan bu iş çox keçmədən öz təsirini göstərib. Belə ki, artıq ermənilər bizlərin dədə-baba yurdlarımıza qayıdacağımızın qorxusu içindədirlər”deyə, N.Süleymanov vurğulayıb.
Ramiz İsmayılov Daha sonra söz qonaq qismində tədbirə qatılan Qərbi Azərbaycan İcmasının Sumqayıt şəhər nümayəndəsi Ramiz İsmayılova verilib. Sumqayıt nümayəndəsi Qərbi Azərbaycan İcmasının sədri, deputat Əziz Ələkbərlinin və Çəmbərək rayon İcmasının sədri Əvəz Ələkbərovun salamlarını toplantı iştirakçılarının diqqətinə çatdıraraq, İcmanın məramnamə və nizamnaməsi haqqında məlumat verdikdən sonra Çəmbərək rayonunun Çaykənd üzrə kənd İcmasının sədri Əflatun Abdullayevi iştirakçılara təqdim edərək, onlara uğurlar arzuladı.
Əflatun AbdullayevƏ.Abdullayev göstərilən etimada görə,Əziz Ələkbərliyə və icma rəhbərliyinə, o cümlədən, Çəmbərək rayon İcmasının sədri Əvəz Ələkbərova minnətdarlığını bildirməklə, ona tapşırılan işi layiqincə yerinə yetirəcəyinə söz verib.
Yusif Sevidmalıyev Ziyalı, alim Yusif Sevdimalıyev çıxışına, İcmanın əhəmiyyətinə vurğu etməklə başladı. O, “
Milli təəssübkeşlik, dövlətçilik prinsiplərinə sadiqlik nümayiş etdirməklə bərabər, tarixi faciələrimizdən də dərs almalıyıq. Doğma yurdlarımıza qayıtmaq ruhumuzu balalarımıza aşılamalıyıq. Dövlətimizin ərkanından yararlanaraq, ata-baba yurdlarımıza qayıtmaq üçün birlik nümayiş etdirməliyik”,- deyə fikirlərini toplantı iştirakçılarına çatdırdı.
Alı Alıyev Növbəti çıxış üçün söz folklorşünas alim Alı Alıyevə verildi. O, da icmanın fəaliyyətinə uğurlar arzulayaraq çıxışını, əsasən, erməni təxribatı və onların çirkin niyyətlərinin mahiyyəti üzərində qurdu.
Tağı Rüstəmov Növbəti çıxışçılar Qaraqoyunlu.com saytının baş redaktoru Şakir Göyüşov və hüquqşünas Tağı Rüstəmov da öz həmkəndlilərinə uğurlar arzulayaraq hər kəsi fəal olmağa səslədilər.
Sonda xatirə şəkili çəkildi.
20-11-2023, 09:00
617
