Qərbi Azərbaycan İcması (QAİ) Sumqayıt şəhər nümayəndəliyi Ağsaqqallarla işçi qrupunun iclasını keçirib.
Nümayəndəlikdən Sumqayit.tv-yə verilən məlumata görə, iclasın gündəliyinə Sumqayıt şəhər nümayəndəliyinin fəaliyyətinə dair hesabat və Ağsaqqallar Şurasının Sumqayıt üzrə sədr və müavininin seçilməsi çıxarılıb. 
QAİ Sumqayıt nümayəndəliyinin ofisində baş tutan toplantıda ilk olaraq icmanın şəhər üzrə nümayəndəsi Ramiz İsmayılov son 3 ayda gördükləri işlər barədə  Ağsaqqallar qarşısında hesabat xarakterli çıxış edib. Şəhər nümayəndəliyinin bu müddət ərzində gördüyü işlər Sumqayıtda yaşayan Qərbi Azərbaycan kökənli ağsaqqallar tərəfindən müsbət qiymətləndirilməklə yanaşı, görülməli olan işlərin daha da sürətləndirilməsi tövsiyyə olunub.
Daha sonra Sumqayıt nümayəndəliyinin ağsaqqallarla işçi qrupuna Aftandil Nuriyev sədr,  Əbülfəz Əbilov isə müavin qəbul  edilib.   Çıxışçılar,  bu seçimlərin uğurlu olacağına nümayəndəliyin işinin gücləndirilməsi istiqamətində tezliklə öz bəhrəsini verəcəyinə dair əminliklərini bildiriblər. 
Beləliklə, QAİ Sumqayıt şəhər nümayəndəliyinin Ağsaqqallarla işçi qrupunun tərkibi aşağıdakı kimi formalaşdırılıb.
Sədr Aftandil Nuriyev, müavin Əbülfəz Əbilov
Üzvlər: Nofəl Əhmədov, Alı Alıyev, Niyaz Süleymanov, Vaqif Ələkbərov, Vladim İbrahimov, Miradil Seyidov, Səməd Əhmədov, Ədalət Mahmudov, Tahir Məmmədov, Səhlədar Məmmədov, Sədrəddin İsmayılov,  Hüseyn Babayev