Qərbi Azərbaycan İcması (QAİ) Karvansaray (İcevan) rayonu Haqqıxlı kənd icmasının iclası keçrilib. 
Sumqayit.tv-yə verilən məlumata görə, yığıncaq 03.03.2024-cü il tarixdə Qərbi Azərbaycan İcması Sumqayıt şəhər nümayəndəliyinin ofisində keçirilib.
İclası Haqqıxlı kənd icmasının sədri İbad Mehdiyev açaraq, tədbir iştirakçılarını salamlayıb. Sonra iclasın gündəliyi ilə bağlı tədbirə qatılanları məlumatlandırb. 

Gündəliyə əsasən iki məsələ çıxarılıb; 

1.  Haqqıxlı kənd icma üzvlərinin siyahıyaalınma prosesinin vəziyyəti.
2. Çəmbərək-Karvansaray rayon icmalarının  Novruz Bayramı şənliyində iştirakı üçün  nümayəndələrin dəqiqləşdirilməsi.

Daha sonra tədbirə ev sahibliyi edən Qərbi Azərbaycan İcması Sumqayıt şəhəri üzrə nümayəndəsi Ramiz İsmayılov çıxış edib. O  toplantı iştirakçılarına  QAİ idarə Heyyətinin sədri, deputat Əziz Ələkbərlinin salamlarını çatdırıb və Haqqıxlı kənd sakinlərinə icmanın fəaliyyətində uğurlar diləyib. 

R.İsmayılovun çıxışından sonra tədbir iştirakçıları gündəlikdəki məsələlərlə bağlı fikir mübadiləsi aparıb.  Müvafiq məsələlər üzrə qərarlar qəbul edilib. 

Qeyd edək ki,  toplantıya  kənd icamasının üzvlərindən Həsənov Füzuli,  İsmayılov Camal, İbrahimov Saməddin, Nəbiyev Əvəz, Alıyev Elman, Məmmədov Üzeyir, Kazımov İbrahim, İbrahimov Elçin, Aşırlı Amil, Əliyev Rövşən, Sadıqov Məzahir və Musayev Alməmməd qatılıblar.

3-03-2024, 16:50 652