Abşeron Xızı Regional Təhsil İdarəsinin və Sumqayıt şəhər 1 nömrəli Uşaq-Gənclər İnkişaf Mərkəzinin birgə təşkilatçılığı ilə “Yaşıl dünya naminə həmrəylik ili”nə həsr olunmuş “Həmrəyliyimiz birliyimizdir” adlı ədəbi-bədii, musiqili tədbir keçirilib.
Sumqayit.tv xəbər verir ki, tədbirdə Sumqayıt şəhər İcra Hakimiyyətinin başçısı Zakir Fərəcov, Abşeron-Xızı Regional Təhsil İdarəsinin müdiri və təhsil ictimaiyyəti və Qərbi Azərbaycan İcması Sumqayıt nümayəndələri iştirak edib.
Sumqayıt şəhər İcra Hakimiyyətinin başçısı Zakir Fərəcov çıxış edərək bildirib ki, ölkəmiz ətraf mühitin qorunması və iqlim dəyişmələrinin qarşısının alınması sahəsində milli, regional və qlobal səviyyədə təşəbbüslərlə çıxış edir, əməli addımlar atır. Şəhər rəhbəri Sumqayıt şəhərində bu istiqamətdə aparılan kompleks tədbirlərin davam etdirildiyini qeyd edib..