Bakının Xəzər, Xətai və Sabunçu rayonlarında, eləcə də Sumqayıt şəhərində itkin düşmüş ümumilikdə 7 nəfər tapılaraq aidiyyəti üzrə təhvil verilib.
Bu barədə Sumqayit.tv-yə Daxili İşlər Nazirliyinin mətbuat xidmətindən bildirilib.
Qeyd olunub ki, keçirilən tədbirlər nəticəsində martın 31-də Xəzər rayonu ərazisində itkin düşən 2001-ci il, mayın 2-də Sumqayıt ərazisində 2012 və 2013-cü il təvəllüdlü övladları ilə birlikdə itkin düşmüş 1991-ci il təvəllüdlü şəxslər tapılaraq aidiyyəti üzrə təhvil veriliblər.Bununla yanaşı, mayın 14-də Xətai rayonu ərazisində itkin düşən 2006-cı il təvəllüdü ana və onun 2024-cü il təvəllüdlü qızı, habelə mayın 16-da Sabunçu rayonu ərazisində itkin düşən 2004-cü il təvəllüdlü daha bir nəfər şəxs də tapılıb.