Bu gün Uşaqların Beynəlxalq Müdafiəsi Günü münasibətilə Qərbi Azərbaycan İcması Sumqayıt nümayəndəliyində tədbir keçirilib.
Sumqayit.tv-in verdiyi məlumata görə, Sumqayıt nümayəndəliyinin ofisində baş tutan tədbirə, əslən qərbi Azərbaycan kökənli uşaqlar qatılıblar. 
Uşaqlar arasında simvolik olaraq vəzifə bölgüsü aparılıb. Sədr, müavinləri və üzvlərdən ibarət heyyət formalaşdırılıb. Uşaqlar vəzifələrinə uyğun olaraq iş otaqlarında fotolar çəkdiriblər.  
Tədbir ofisin konfrans zalında davam etdirilib. Hər bir uşaq ayrı-ayrılıqda özünün yaşı, oxuduqları məktəb və hansı bölgədən olmaları haqqında məlumat verib.
Uşaqlar iclası qurtardıqdan sonra  çay və şirniyyat masası ərtafıda söhbət edib, bir-birilərilə yaxından tanış olublar. 
Daha sonra QAİ Sumqayıt nümayəndəsinin müavini, folklorşünas ailim  Alı Alıyev ofisin foyesində quraşdırılmış Qərbi Azərbaycana dair xəritə və digər təşviqat materialları barədə,  uşaqları məlumatlandırıb. A.Alıyev  ermənilər tərəfindən Qərbi Azərbaycanın və qərbi azərbaycanlıların başlarına gətirilən bəlalardan, türklərə olan nifrətdən,  deportasiya siyasətindən danışıb, tarixi həqiqətləri ətraflı şəkildə uşaqlara izah edib.  
Sonda uşaqlarla ofisin qarşısında xatirə fotosu çəkilib. 

Qeyd edək ki, Uşaqların Beynəlxalq Müdafiəsi Günü 1 iyin 1950-ci ildə Birləşmiş Millətlər Təşkilatının Baş Assambleyası tərəfindən qərara alınıb.