Qərbi Azərbaycan İcması (QAİ) Sumqayıt nümayəndəliyi Gənclər Birliyinin qrup rəhbərlərinin növbəti iclası olub. 
İcmanın Sumqayıt şəhər nümayəndəliyindən Sumqayit.tv-yə verilən məlumata görə, iclasın gündəliyində birliyə yeni sədrin təyin olunması durub.
Toplantını giriş sözü ilə açan QAİ Sumqayıt nümayəndəliyinin rəhbəri Ramiz İsmayılov  gəncləri QAİ İdarə Heyyətinin sədri, Milli Məclisin deputatı Əziz Ələkbərlinin və öz adından salamlayaraq, onlara ötən müddət ərzində nümayəndəliyin işində fəal iştirak etdiklərinə görə təşəkkür edib. 
"Qayıdış Konsepsiyası" çərçivəsində gənclərin üzərinə böyük iş düşdüyünü qeyd edən R.İsmayılov, əlavə edib ki,  xüsusən Qərbi Azərbaycan əsilli gənclərin fəallıq göstərməsi və prosesin önündə getməsi vacibdir. “Ona görə də Gənclər Birliyimizi genişləndirmək və prosesə cəlb etməliyik ki, fəaliyyətimizi sürətləndirə bilək", - deyə R.İsmayılov qeyd edib. 
Sonra QAİ Sumqayıt nümayəndəliyinin İdarə Heyyətinin üzvü Elçin Abdullayev çıxış edib. O da gəncləri salamlayaraq gəncləri həm virtual aləmdə həm də real dünyada erməni yalanınına qarşı barışmaz mövqe sərgiləməyə çağırıb.
Sumqayıt Nümayəndəliyinin Gənclər Birliyinin sədri Elman Cəfərov  6 ay müddətində birliyin gördüyü işlərlə bağlı məlumat verib. Hesabat verdikdən sonra E.Cəfərov nümayəndəliyin sədr səlahiyyətlərini başqa bir gəncə ötürməyi təklif edib. Təklif yekdilliklə qəbul olunub.
Sonra Nümayəndəliyin sədri Ramiz İsmayılov təklif edib ki, nümüayədəliyimizdə gənclərinin sayının çox olmasını nəzərə alaraq, yeni sədrlə yanaşı, sədrin ikinci müavini postuna da bir nəfər təyin olunsun. 
Beləliklə, Fuad Şamilov QAİ Sumqayıt nümayəndəliyinin Gənclər Birliyinin sədri, İlkin Şirinov isə QAİ Sumqayıt nümmayəndəliyi Gənclər Birliyinin sədr müavini təyin olunub. 
Sonra yeni təyin olunan sədr və müavin özləri haqqında geniş məlumat verərək, üzərlərinə düşən öhtəliyi layiqincə yerinə yetirəcəklərini dilə gətiriblər.