İyulun 14-də keçirilən I və IV ixtisas qrupları üzrə qəbul imtahanının nəticələri dünən açıqlanıb.
Dövlət İmtahan Mərkəzinin (DİM) məlumatına görə, I ixtisas qrupu üzrə ən yüksək nəticəni (400 bal) iki nəfər toplayıb.
Həmin iki şagirddən biri Sumqayıt şəhər Təbiət elmləri təmayüllü gimnaziyanın məzunu Rüfət Raqif oğlu Əsədovdur.
Gimnaziyadan Modern.az-a verilən məlumata görə, Rüfət Əsədov ali təhsilini harada alacağını artıq dəqiqləşdirib. Belə ki, o, Bakı Ali Neft Məktəbində (BANM) oxumaq niyyətindədir. Rüfət ixtisas seçimi zamanı BANM-ı 1-ci sırada yazacaq.
Ali təhsil müəssisələrinə qəbul olmaq üçün müsabiqə şərtlərini ödəyən abituriyentlərin (həmçinin subbakalavrların) ixtisas seçimi 9 – 19 avqust tarixlərində aparılacaq.