Qərbi Azərbaycan İcması (QAİ) Sumqayıt şəhər nümayəndəliyinin İdarə Heyətinin 2024-2025-ci ilə dair görüləcək işlərlə bağlı iclası keçirib.  
İcmanın Sumqayıt şəhər nümayəndəliyindən Sumqayit.tv-yə verilən məlumata görə, iclası nümayəndəliyin rəhbəri Ramiz İsmayılov açıb. O toplantı iştirakçılarına Qərbi Azərbaycan İcması İdarə Heyətinin sədri Əziz Ələkbərlinin salamlarını çatdırıb, gündəlikdəki məsələlərlə iclasa qatılanları tanış edib.
R.İsmayılov QAİ Sumqayıt nümayəndəliyinin geridə qoyduğu bir il ərzində gördüyü işlərin qısa xronikasını İdarə Heyətinin diqqətinə çatdırıb və onlara nümayəndəliyin işində fəal iştirak etdiklərinə görə təşəkkürünü bildirib. 
Sonra, Sumqayıt nümayəndəliyinin şuraları və qəsəbə icma sədrlərinin fəaliyyəti müzakirə edilib. Müzakirə zamanı Ağsaqqallar Şurasının sədri və Gənclər Birliyinin sədrləri dəyişilib. Beləliklə, QAİ Sumqayıt Nümayəndəliyinin Ağsaqqaallar Şurasının sədri Əbülfəz Əbilov, Gənclər Birliyinin sədri İlkin Şirinov təyin edilib.
Yeni təyin olunan sədrlər özləri haqqında məlumat verib, göstərilən etimadı maksimum dərəcəd doğurultmağa çalışacaqlarını xüsusi vurğulayıblar.
Müzakirə nəticəsində qərara alınıb ki, Şuralar sentyabrın 15-nə qədər İllik iş planını Nümayəndəliyin ofisinə təqdim etsinlər.