“Sumqayıt” – “Turan Tovuz” matçına iki gün qalıb.

Bu komandalar arasında təkcə meydanda yox, azarkeşlər səviyyəsində də gərgin mübarizə gedir.

Belə ki, “Turan Tovuz” Premyer Liqanın son 9 matçında ən çox fanat yığan komandadır. Onların oyunlarını ümumillikdə 19.400 azarkeş izləyib. “Sumqayıt” klubunun matçlarında isə cəmi 12.700 fanat iştirak edib. Bu statistikaya görə, “gənclik şəhəri” təmsilçisi yalnız tovuzlulardan geridə qalır.

Əldə etdiyimiz məlumata görə, “Turan Tovuz” klubu 20 oktyabr saat 20:00-da Mehdi Hüseynzadə adına stadionda keçiriləcək oyuna 500-ə yaxın azarkeşlə gəlməyi planlaşdırır.

Odur ki, Sumqayıtın yeganə komandasını dəstəkləmək istəyən azarkeşlər iTicket.az saytından, 1 saylı Sumqayıt ASAN Xidmət mərkəzindən, sabah saat 14:00-19:00 arası, oyun günü isə 12:00-dan etibarən şəhər stadionunun kassasından bilet ala bilərlər. Biletlərin qiyməti sektorlardan asılı olaraq 2, 3, 5 və 10 manatdır.

Onu da qeyd edək ki, azarkeş rekordu “Sumqayıt” – “Qarabağ” matçına təsadüf edib. Həmin qarşılaşmanı meydandan 7000 min nəfər izləyib.

@sumqayitfc_official