Dahilərdən biri deyirdi ki, “Başqalarına işıq saçmaq üçün, özündə günəş olmalıdır. ” Bəli, bu gün Azərbaycan xalqı, xoşbəxt xalqlardandır ki, onun ziya saçan insanları var. Belə şəxsiyyətlərimizdən biri də  Azərbaycan xalqının görkəmli oğlu, əməkdar elm xadimi, tibb elmləri doktoru, professor Vaqif Şadlinskidir.

Soy adından bəlli olduğu kimi Vaqif müəllim tanınmış nəsilin nümayəndəsidir. O, harda yaşamasından və harda çalışmasından asılı olmayaraq hər zaman nəslinə və xalqına ucalıq gətirib. Vaqif müəllim ziyalı mövqeyi ilə seçilən əsl vətənpərvər ailimlərimizdəndir. Onun yaradıcılıq sahəsi ilə tanış olan hər kəs yaxşı bilir ki, Vaqif Şadlınski dövlətçilik ənənəsinə  sadiq qalan, milli, eyni zamanda vətən həsrətli yaradıcı insandır. Onu xalqımıza sevdirən seçdiyi peşənin mütəxəssisi olması ilə yanaşı, işində ciddi və dəqiqliyi ilə seçilməsi, qarşısındakı insanlara hörmət və həssaslıq hissi ilə yanaşmasıdır. Bir sözlə bu əvəzsiz insan böyüklə-böyük, kiçiklə-kiçikdir.  O yaşadığı tarixin bütün dönəmlərində zirvələrdə öz yerini tutub. 
Hər kəsə yaxşı bəllidir ki, Vaqif müəllim uzun illərdir  Azərbaycan Tibb Universitetində “İnsan anatomiyası kavedrası”nın müdürü və digər sahələrdə işlərdə çalışıb. Çalışdığı müddətdə V.Şadlinski on minlərlə tələbə yetişdirərək Azərbaycanımıza ərmağan edib. Onun savad verdiyi tələbələr bu gün ölkə daxilində və respublikamızdan kənarlarda seçilən mütəxəssilərdilər. Bu qədər zəhmət və gərgin iş qrafikinə baxmayaraq, Vaqif müəllim dövlətimiz və xalqımız üçün layiqli və ləyaqətli övladlar yetişdirməyi bacarıb.  
Bu gün Vaqif Şadlinskinin 85 yaşı tamam olur.  Yaşadığı ömrü xaqına və vətəninə həsr edən Vaqif müəllimə,  tanrının yazdığı ömrü uzun, sağlam və mənalı yaşamağı arzu edirəm. Onu şəxsən öz adımdan və Qərbi Azərbaycan İcması Sumqayıt şəhəri üzrə nümayəndəliyinin çoxsaylı üzvləri adından təbrik edir, yubliyara şəxsi və iş həyatında uğurlar diləyirəm. 
 
Hörmətlə, 
Qərbi Azərbaycan İcması Sumqayıt Nümayəndəliyinin rəhbəri Ramiz İsmayılov