Dünya karatesinin canlı əfsanəsi Rafael Ağayev ölkə xaricindən aldığı çoxsaylı təkliflər arasında seçim edərək Monteneqroya gedir.
Sumqayit.tv-in Offsideplus.az-a istinadən verdiyi məlumata görə, 6 qat dünya, 11 qat Avropa çempionu, Tokio Olimpiadasının gümüş medalçısı martın 8-9-da Bar şəhərində seminar keçirəcək.
"Qara brilyant" ləqəbli idmançının təlimlərinə U-12, U-14, kadetlər, gənclər və böyüklər qatıla bilərlər. Seminarda iştirak etmək istəyən məşqçilər 50 avro, idmançılar isə 75 avro ödəməlidir.
Qeyd edək ki, Rafael Ağayev tez-tez müxtəlif ölkələrdə seminarlar təşkil edir və karate sahəsindəki bilik və təcrübəsini digər idmançılarla bölüşür.
Qeyd edək ki, bu gün həm də R.Agayevin 40 yaşı tam olur.