Sumqayıtda “Konstitusiya və Suverenlik İli” çərçivəsində ekoloji tarazlığın qorunması və yaşıllıq sahələrinin artırılması məqsədilə genişmiqyaslı ağacəkmə aksiyası keçirilib.

Sumaqayit.tv xəbər verir ki, bulvar ərazisində baş tutan tədbirdə Sumqayıt şəhər İcra Hakimiyyətinin başçısı Zakir Fərəcov, şəhər ictimaiyyətinin nümayəndələri, ekoloji fəallar və könüllülər iştirak ediblər. Aksiya çərçivəsində Sumqayıt bulvarında min ədəd zeytun ağacı əkilib.

Bu təşəbbüs şəhərin ekoloji mühitinin yaxşılaşdırılmasına, yaşıllıq sahələrinin genişləndirilməsinə və gələcək nəsillər üçün daha sağlam yaşayış şəraitinin yaradılmasına xidmət edir. Şəhərdə ekoloji layihələrin davamlı icrası Sumqayıtın inkişaf strategiyasının əsas istiqamətlərindən biri kimi müəyyən edilib.

Qeyd edək ki, Sumqayıtda ekoloji tarazlığın qorunmasına xüsusi önəm verilir və bu kimi aksiyaların davam etdirilməsi nəzərdə tutulur.