Autizmli uşaqların çalışdığı “Kashalata” kafesində Sumqayıtın xanım deputatları oldular
Sumqayıt TV xəbər verir ki, Milli Məclisin deputatları Səbinə Salmanova, Mehriban Vəliyeva və Elnarə Akimova autizm spektr pozğunluğu ilə üzləşən uşaqların fəaliyyət göstərdiyi “Kashalata” kafesinin qonağı olublar.

Kafe, autizmli uşaqların cəmiyyətə inteqrasiyasına və sosial bacarıqlarının inkişafına dəstək məqsədilə fəaliyyət göstərir. Uşaqlar burada müştərilərə özləri xidmət göstərirlər.

Deputatlar qeyd ediblər ki, bu cür təşəbbüslər cəmiyyətimizdə tolerantlıq və empatiya mühitinin güclənməsinə xidmət edir. Onların fikrincə, autizmli uşaqlar da digər uşaqlar kimi sevgi və dəstəyə layiqdirlər.

Tədbirin təşəbbüskarlarından biri millət vəkili Nigar Məmmədova olub. Deputatlar “Birgə və Sağlam” İctimai Birliyinə də belə bir imkan yaratdığı üçün təşəkkür ediblər.