Sumqayıt şəhərində baş vermiş bıçaqlanma hadisəsi ilə bağlı yeni təfərrüatlar məlum olub.
Sumqayit.tv-in məlumatına görə, hadisə 18-ci mikrorayon ərazisində qeydə alınıb. Mübahisə zəminində 1972-ci il təvəllüdlü Nəcəfov Mahir Əşrəf oğlu və onun qohumu, 1977-ci il təvəllüdlü Zamanov Qismət Salman oğlu kəsici-deşici alətlə xəsarət alıblar. Yaralılar dərhal Sumqayıt Tibb Mərkəzinin Təcili Tibbi Yardım Xəstəxanasına çatdırılıblar.

Tibb Mərkəzindən verilən məlumata görə, Mahir Nəcəfova bud-çanaq oynağı və bud nahiyəsinin açıq yarası diaqnozu qoyulub, onun müalicəsi davam edir və vəziyyəti stabildir. Qismət Zamanova isə başın tüklü hissəsinin açıq yarası diaqnozu ilə ilkin tibbi yardım göstərilib.

Hadisəni törətməkdə şübhəli bilinən 29 yaşlı R.Şərifov polis əməkdaşları tərəfindən saxlanılıb. Faktla bağlı araşdırma aparılır.